Haurrak zaintzeko familia bila nabil.

Kaixo, ni Hiart naiz. 19 urteko neska bat naiz, fisioterapiako eta kirol-zientzietako gradu bikoitza ikasten ari dena. Nire ama hizkuntza euskara da, nire egunerokoan hitz egin eta komunikatzeko baliatzen dudana. Neska arduratsua naiz, dibertigarria, energia handikoa eta pazientzia handikoa, haurrak zaintzerako orduan beharrezkoa den gauza. Gainera, asko gustatzen zait haiekin jolastea, eta nire ikasketak kontuan hartuta, joko aukera zabala dut. Askotan zaindu ditut lehengusu txikiak, baina, gainera, gurasoen lagunen seme-alabak zaintzen aritu naiz. Horrez gain, begirale titulua ere badut, eta hainbat udalekutan ibilia izan naiz haur ugari aldi berean zaindu beharra izanez. Bestalde, astean bost egunetan 15 urteko haur bati eskola partikularrak ematen dizkiot duela bi urtetik hona, eta horrekin ikasteko metodo desberdinak erabiltzen ditut, TDAH eta dislexia baititu. Horrez gain, asteburuetan bi neska gazte zaintzen ditug momentu puntualetan, haiek jaso, haiekin jolastu, parkean ibili eta afaria eman ondoren lokartuz. Oraingoz, udan laguntza behar duten familien bila nabil, edo eta asteburutan lanean aritzeko, baita astean zehar momentu puntualen batean edo eta adostutako egun batzuetan aritzeko ere. Klase partikularra eman eta klaseak izaten ditudanez, eguna zein ordua adostea izango litzateke aurrera eraman ahal izateko. Ekainaren erdialdetik aurrera nire aukera zabalagoa izango litzateke, nahiz eta hori azterketen araberakoa izan. Prezioari eta ordutegiari dagokienez, negoziagarria da, eta jarri dudan ordutegiari dagokionez salbuespenen bat egiteko prest nago. Zuen seme-alabak ezagutzeko irrikitan nago!